|
| 等左好耐,終於有第一次可以坐飛機去旅行的時候,五日四夜的曼谷&芭堤雅的行程都好enjoy... 最深刻的節目: 夢幻樂團: 雪城 (第一次玩雪兜), go car, -->睇人妖show, d 人妖真係好索, -->騎大象, -->去珊瑚島, d水好清綠, 不過無玩過其他水上活動, 有d可惜... -->瘋狂shopping, 買左好多野, 點少得買蝴蝶袋, -->做spa, 不過只是一般,都係國內好,夠力, 仲有其他的觀光啦!! 大家想睇相, facebook 啦!! 今次的行程除了玩之外,都認識了泰國少少的風土及情況,泰國感覺上不是太富有,原來在鬧市中,隨處都見到十歲以下的孩童在街上行乞,令我感到好痛惜他們, 他們最快樂的童年d會咁過!? 大家請為他們代禱! 其他問題是有人為了生計,出家, 變姓, 男女受重視的情況差別好大, 國勢情況差, 迷信...呢d情況令人睇到都好暗然, 請大家都係禱告記念... 放左八日大假, 本想好好安靜自己,從整自己的目標,生活規律...旅行的確令自己放下一切煩惱,壓力, 但始終未做到自己想做....今日好開心收到學校來電,成績出左啦, 考到 second hons 最於畢到業! 此刻真係喊左出來, 唸到自己挨夜趕project,又要返工,..唔感相信自己可以咁!但開心同時又好迷茫, 迷茫係我下一步應該點做??到底呢張入場券有咩用途?? 每人都有自己的理想,搵到了應該支持、鼓勵我地去行, 點解你地做不到?? 屋企不是第一把力量支持者? 唉........ | | |
| Finding............WHO AM I? 前幾日返工,係俾人"拋一拋"情況下出錯左,俾多左$700人,雖然記得邊個客,但他是非善男信女,狂打俾佢,唔肯聽電話...真係好擔心,唯有不斷地祈禱,有信心去經歷啦! 到左第二日終於搵到佢,點知佢 "咬底",唔肯返來,係同事幫助下,他先去入番條數俾我地,可底消個record..感恩神的帶領!! 昨日又唔知點解俾多左$200人, 今次真係無咩頭緒...唔知出錯係邊度?最終出左數...一星期出錯兩次! 近來唔知仲咩咁迷茫,成日出錯...做到個人好無動力,每天做一些機械式的工作,又被人強迫數..睇來今個月輪到我寫action plan...唉!!! 討厭!!! 讀完個學位出來有咩用? 點解成日做一些咁無價值的事, 前日經理仲問我幾時考保險牌?一定要我俾個肯定的日子, 唔好迫我啦..... 雖不停地搵工, 但打開網頁,又唔知搵咩工好, 不斷地唸到底自己適合做D咩?.....無自己的路,就要由人來幫你安排去行, 好可憐....我真係唔想再浪費自己的時間, 人生有幾多個十年???想係青春時,如何肯定自己的目標, 打穩屬於自己的根基..做合神心意的事呢.... 原來我對自己真係了解好少: 無論性格取向,興趣,專長,優點,缺點,恩賜..到底有咩?自己都唔知道,有時真係好討厭自己...希望可以早日尋回自己!! | | |
| 當我再打開自己的日記時,應由何從寫起?回看以前的日記,好似一切都在轉變..(環境, 人, 事)一切都不停係身邊地旋轉... 三年的半工讀的大學課程終於都完呀!!一邊讀書,一邊工作,的確係辛苦又忙碌的生活,但感恩係身邊有一班互勵互勉的同學仔,大家互相提醒交功課,一切向學校追討成績,上堂食飯盒...有好多多的難忘的片段,更開心係認識mei ling陪我走過三年.. 亦感恩係一班好鍚我的同事,因為要返學,開唔到會,call唔到客,請病假做功課...多謝他們對我的包容同支持...更感恩係身邊好關心的朋友,常為我禱告的弟兄姊妹,每當我乏力時,喊時,你地常係我身邊安慰我..多謝你地~~畢業啦!! 係度更想多謝一個人,唔知由幾時開始,你介入我生活的圈子內?!只知係我最需要時,你都會想盡辦法去幫我;係我唔開心時,你會講笑話俾我聽;係我最辛苦時,你帶我最寧靜的地方...是你給我好多難忘片段,多謝你一直默默的支持及守候,就是因為你的關心,細心,安慰,俾我有力量走下去,即使眼前面臨工作壓力,家庭的負擔,學業的煩惱,但我仍有勇氣去面對,從未被的眼前的困難所跌倒... 但有時同你相處感覺好似對主人與小狗的一樣:你的說話,小狗好樂意去聽,但卻幫不上什麼...而小狗的需要,你是猜得到,但小狗的話你一句都聽唔明,而小狗亦好難去表明..主人可以給什麼承諾你的小狗?而小狗又以什麼承諾去回應?近來,大家都安靜了一段日子,的確曾經的傷疼與失落再一次浮現,有時我發覺大家都沒有說真話的勇氣...大家會互相關心,但大家的需要,想法又了解多少?始終好難打開破冰的話題.....到底係我地命格?或有緣無份? 再次面對眼前的困難,我已經沒有力氣撐落去,離開屋企幾日,以為可以安靜下,當我的眼淚再認唔住時,原來我的心,情緒始終安靜不到..最後病左,獨自係疹所的手術室上,我痛到喊了出來... 開始睇到爸媽關心到我的存在...多謝fifi,家姐,一班同事的關心,記起fifi的提醒:原來我從來沒有想過自己的幸福,自己的需要,我可以愛自己多一點....多謝天父俾我身邊小天使的守護,是你讓女兒學習到"信心"的一課.. 相信祢一切的安排,因祢的應許是對著祢起誓... | | |
| 哈...呢排有好多放假的日子..每天都過得好開心...起碼不用為公司都跑數來愁,又唔使對著d麻煩客人... 上個星期放左三日假,多謝阿崔陪左我呢幾日...返左中山去參加以前一個小學同學的婚禮,呢位同學是我入讀小學的第一個朋友仔...眨下眼,幾二十幾年,可以睇到她嫁得好幸福,又快做媽媽..真係好鄧她開心,同時間有點感慨青春的時光過得好快!!!哈,第一次見識鄉村的婚禮,都係一切從簡...不過都有好多趣聞:我地第一次學架"眠洋仔",阿崔一試就開到,而我就嚇到我同學一額汗..不過都總算可以在馬路開到..哈!!之後同一班不知名的朋友仔去唱k, 國內唱k真係好抵,所謂的bear酒,都是如水一般,唔飲得的我連飲兩三杯,都無醉意...深夜十二點,成班人去食宵夜,可以食返我十幾年來未食過的"鈔鑼"....好正!!肯不得打包幾碟返香港食..哈!!回味無窮!!我班幾二十年的朋友仔,真係好好客.好熱情的招呼,攪到我地有點難為情!!!無計,她們有d是老板仔,一向都係以好客交情!! 第二日,我地去左澳門玩,第一次踏足澳門..人生路不熟,為左搵酒店,都搭車跑左幾轉,由威尼斯去碼頭,再去普京,再後都入住京都酒店...行左半日,實在太肚餓,去左八百伴搵食..哦!!俾我地預見林峰,周文琦,做宣傳..難得可以遇見靚仔,我地又點錯過,影左幾張相...之後去左普京賭場,第一次入賭場見識,真係大開眼界,台上的遊戲一點都吸引唔到我,可能我不懂玩,但睇到一個個賭客滿臉愁容,有何樂趣之意?但又讓不少人著迷?難解!更驚訝是睇見一個個舞女,娥娜多姿地在舞台上跳動, 不自然地唸女性的尊嚴何在? 相信天父睇到這情景多心痛?行左一轉,我地去觀光,係去大三巴的路途中, 睇到好多好靚的建築物,路牌,圍欄,街燈,都有歐陸色彩,感覺去左歐洲...無意中我地行左入一間天主教教堂,真係好宏偉,我地都一至認同這是理想的教會,入面有好多聖物參觀,一邊睇一邊研究,又可以了解聖經多一點!終於來到大三巴,正是日後時候,睇到圓圓太陽,好靚!正是中秋前夕,遇到有舞獅睇,幾有氣氛!!上到大三巴台上,哈!!原來我地都有畏 高!腳軟!!來到大三巴又不忘會買點手信,哈!一路上被人攔截試食牛肉幹,都幾搞笑!!玩左成日,真係好倦!!好想逛逛澳門的夜市,但真是行不動... 第二日,食過早餐,去左澳門觀光塔,65層高,兩個 畏高的人, 上到去,腳軟之餘,更是手腳出汗,但可以一眼觀望全澳門,真係好靚!!哈..仲可以睇到人玩"奔豬跳"...好刺激!!d人真係唔怕死,低能家!!! 去旅行玩真係好開心,依家少君妹正環遊中國,好羨慕她,等畢業後,我都要做一次電波少女...環遊中國!! 呢日是農曆8月13日,返到來,都想同屋企人一同渡過,開開心心煮左一餐飯俾家人食...已好滿足!! 中秋節又來啦!!感覺好快又一年,今年都是去左玟維家玩打機,玩足一晚...臨近天光,大家都睡熟...應承左會陪媽媽食早餐,天一光,自己走左, 一路唸:時間一天一年咁過,人不斷成長, 如何計劃下一年??? | | |
| 人的力量真是好微少...值得我們自豪又是些什麼?即使你好有錢,地位,權力,當病痛.死亡來臨時,我地還能抵擋得住?!或許你會講是人生必經的階段,但既然是必經的階段,我地更應要靠近神..... 當聽到朋友摯親的人離開一刻...好顫抖.婉惜.難過...生命真係好軟弱,可以自然呼吸一口氣己是滿有恩典...只不過是短短幾小時,當差的天使來了....給他擺脫病魔的痛楚,在天家享受快樂的生活...體會到你會好傷心,好唔捨得,甚或有愛恨交集,既然人己離開, 一切的事便隨他而離開而放開啦!給自己一個新開始吧! 四日三夜的夏令會...我不斷求神<容我寧靜>:容我暫放開繁忙工作.功課,容我平復情緒,容我更親近祂,容我更明祂的旨意,由祂安排我的方向.決擇...重新安排事奉....好感恩神俾我有不同的領受...<靈.活>學習要有更屬靈的生命,包容.寬恕自己所不喜愛的人,要懂得去愛!!要善用自己的恩賜,更不停依靠神,避免一切試探..把生命完全的交托!!入camp病左幾日,好感動身邊有一班弟兄姊妹悉心照顧,不停關心.問候,有被愛的感覺好溫暖...凡事自以看為不好, 但從另一面睇,卻看到彩虹... | | |
|
